إلى يمامتي اللي شربت من كفي
ثم سابتني لكف تاني
يا ترى مطمنة دلوقتي ؟
مرتاحة ..
وصلتي للإجابة ؟
و لا لسه حمى السؤال بتعذبك و ما بتوصليش ..
و أخبار الحيرة ايه ؟
لسه الدايرة دايرة ؟
لسه مش عارفة تعمليها مربع
تضمي نفسك في زواية فيه ..
ارتويتي طيب ؟
سَكِينة و حنان و اطمئنان
و لا لسه العطش بيكوي قلبك و ما بترتاحيش ..
طيب عرفتي الأمان ؟
هتريحي جناحاتك خلاص من الطيران ؟
هتبطلي تتنقلي من كف لكف زي ما اتعودتي
و لا عادتك دي ما بتنتهيش ..
يا يمامتي اللي كانت في يوم ليا
و صبحت مفيش
لساتك جوا القلب وجع ما بيختفيش.
No comments:
Post a Comment