على هذه الأرض ما يستحق الحياة

رغم الحزن الساكن جوا القلب ..

ورغم الوجع اللي مستوطن الروح ..

بعافر، وهأفضل أعافر؛ علشان أسرق من الزمن لحظات فرح

لحظات تقويني أعدي عتمة الأيام بسلام.

اللحظات دي اللي نقدر نقول عنها جملة درويش الخالدة

"على هذه الأرض ما يستحق الحياة"

1. زي إني أكتب تدوينة أو مقال وأحس بحلاوتهم.

2. زي مقال جديد يتنشر لي.

3. زي يوم الخميس 5\3 في سينما غزة، وضحك من القلب مع شباب وبنات زي الورد.

4. زي كتاب جديد، وآه من حبي للكتب.

5. زي يوم الأحد 8\3 واللف مع نداء في شوارع غزة، المشي والرغي والضحك اللي ما بيخلصش.

6. زي كتاب يجاوبك عن سؤال كان محيرك بقى له كتيييييير.

7. زي كتب تيجي لي هدية من بلد تاني، وتبقى الفرحة فرحتين،

فرحة بالكتب، وفرحة إنهم من الغالية.

8. زي رسالة من مديرتي تقولي "good work".

9. زي دفا الأصحاب (يمنى، سلوان، اسراء، ولاء).

10. زي الصدف الحلوة.

أنا عارفة إن دي أكتر تدوينة هأرجع لها كتير

علشان لما الوجع يشتد والدنيا تضلم 

لازم أفتكر لحظات الفرح ونقط النور

#مكملين :D